Aqmola oblysynda avtokólik pen elektrovoz soqtyǵysyp, bir adam kóz jumdy
KÓKShETAÝ. KAZINFORM - Aqmola oblysynyń Esil aýdanynda avtokólik pen elektrovoz soqtyǵysyp, bir adam kóz jumdy, taǵy bir adam túrli dene jaraqatymen aýrýhanaǵa jetkizildi.
Aqmola oblysy Polıtsııa departamenti baspasóz qyzmetiniń málimetinshe, jol-kólik oqıǵasy 19-shy qańtarda Esil qalasyndaǵy №7 agrotehnıkalyq kolledjiniń mańyndaǵy temirjol ótkelinde bolǵan. Bul týraly jedel járdem qyzmetiniń dıspetcheri polıtsııaǵa habarlaǵan.
Anyqtalǵandaı, Reseı Federatsııasynyń 35 jastaǵy azamaty basqarǵan «Lexus RX 300» kóligi rettelmeıtin temirjol ótkelinen ótpek bolǵan kezde Esil qalasy baǵytynda júrip bara jatqan «Drezına» elektrovozymen soqtyǵysqan. Saldarynan avtokóliktiń 32 jastaǵy jolaýshysy oqıǵa ornynda kóz jumsa, júrgizýshisi túrli dene jaraqatymen aýrýhanaǵa jetkizildi. Al elektrovoz júrgizýshisi zardap shekken joq.
«Qazirgi kezde, polıtsııa jol-kólik oqıǵasyna baılanysty is qozǵap, sotqa deıingi tergeý sharalaryn bastap ketti. Oqıǵanyń mán-jaıy anyqtalýda», - dedi vedomstvodan.
Aıta keteıik, budan buryn «Astana-Petropavl» trassasynda 15 avtokólik soqtyǵysqanyn jazǵan edik.
