Aqmola oblysynda avtobýs ekskavatormen soqtyǵysty, jaralanǵandar bar
ASTANA. KAZINFORM – Aqmola oblysynda jolaýshylar avtobýsy men ekskavator soqtyǵysty, dep habarlaıdy TJM baspasóz qyzmeti.
Oqıǵa Qarqaraly tasjolynda, Qabanbaı batyr jáne Qyzyljar aýyldarynyń arasynda boldy. Jol apaty saldarynan avtobýs júrgizýshisi kabınada qysylyp qalǵan.
Aqmola oblysy TJD málimetinshe, birneshe jolaýshy túrli jaraqat alǵan. Soqtyǵysýdan keıin ekskavator órtenip ketken.
«Oqıǵa ornyna jedel túrde qutqarýshylar jetti. Gıdravlıkalyq quraldardyń kómegimen olar júrgizýshini abaılap shyǵaryp, jedel járdem brıgadasyna tapsyrdy. Zardap shekken jolaýshylar aýrýhanaǵa jetkizildi. Ekskavatordaǵy órt óshirildi. Qaza tapqandar joq», – delingen vedomstvo habarlamasynda.
Aıta keteıik, Aqtóbede úsh kólik soqtyǵysyp, júrgizýshi men jolaýshy kóz jumdy.