Aqmola oblysynda aýyldyq okrýg ákimdiginiń ókilderi zańsyz jalaqy alyp kelgen

KÓKShETAÝ. KAZIFORM - Aqmola oblysynda jergilikti atqarýshy organnyń laýazymdy tulǵalary bıýdjet qarjysyn jymqyrdy degen kúdikke ilindi, dep habarlaıdy Aqmola oblysy prokýratýrasynyń baspasóz qyzmeti.

Baspasóz qyzmetiniń málimetterine qaraǵanda, Aqmola oblysy Tselınograd aýdany Qaraótkel aýyldyq okrýgi ákimdiginiń laýazymdy tulǵalary 3 jyldan astam ýaqyt boıy jalpy somasy 15 mln teńgeden astam jalaqyny negizsiz alyp kelgen.

Buny Tselınograd aýdanynyń prokýratýrasy jergilikti atqarýshy organdardyń qyzmetinde bıýdjet qarajatyn jumsaýdyń zańdylyǵy turǵysynan tekserý kezinde anyqtaǵan.

Bul fakt boıynsha Qaraótkel aýyldyq okrýginiń laýazymdy tulǵalaryna qatysty QK-niń 189-baby 2-tarmaǵynyń 4-bóligi (asa iri mólsherde jymqyrý) boıynsha sotqa deıingi tergep-tekserý bastaldy.

«Atalǵan baptyń sanktsııasy múlki tárkilenip, 7 jyldan 12 jylǵa deıin bas bostandyǵynan aıyrýdy qarastyrady»,-delingen habarlamada.