Aqmola oblysynda aýany lastaıtyn kólikterge baqylaý kúsheıtildi
ASTANA. KAZINFORM — Óńirlerde kólik quraldarynyń shyǵaryndylary standarttarynyń saqtalýyn baqylaýǵa baǵyttalǵan birqatar «Taza aýa» jedel-aldyn alý sharalary bastaldy, dep habarlaıdy Ekologııalyq retteý jáne baqylaý komıtetiniń baspasóz qyzmeti.
2026 jyldyń 2-6 sáýiri aralyǵynda Aqmola oblysynyń ekologııa departamenti Kókshetaý qalalyq polıtsııa bólimimen birlesip «Taza aýa» reıdin ótkizdi. Іs-sharanyń negizgi maqsaty kólik quraldarynyń shyǵaryndylary standarttarynyń saqtalýyn baqylaý boldy.
— Reıd barysynda qoǵamdyq avtobýstar men júk kólikterin qosa alǵanda, 43 kólikke aspaptyq ólsheýler júrgizildi. Tekserýler alty kóliktiń tútin shyǵaryndylary standarttarynan asyp ketkenin anyqtady. Osy buzýshylyqtar úshin kólik ıeleri Qazaqstan Respýblıkasy Ákimshilik quqyq buzýshylyq týraly kodeksiniń 334-baby boıynsha ákimshilik jazaǵa tartyldy, — delingen habarlamada.
Mundaı is-sharalardy únemi ótkizý aýanyń lastanýyn azaıtýǵa jáne qorshaǵan orta talaptaryna jaýapkershilikpen qaraýdy qalyptastyrýǵa kómektesedi.
Budan buryn Óskemende aýadaǵy zııandy zattar shyǵaryndysy ruqsat etilgen shekten asyp ketkenin jazǵanbyz.
