10:48, 23 Aqpan 2024 | GMT +6
Aqmola oblysynda astyq tıelgen KamAZ tirkemesi aýdarylyp qaldy
KÓKShETAÝ. KAZINFORM - Aqmola oblysynda KamAZ júk kóliginiń astyq tıelgen tirkemesi aýdarlyp qaldy.
Aýmaqtyq PD baspasóz qyzmetiniń málimetinshe, jol-kólik oqıǵasy «Ekaterınbor – Almaty» tas jolynda bolǵan.
«Tirkemeniń aýdarylýyna tehnıkalyq aqaý sebep bolǵan. Júrgizýshige polıtsııa rotasynyń ekıpajy Erbolat Nurlybekov pen Asanáli Áskerbekov kómekke keldi. Olar jol qozǵalysy qaýpsizdigin qamtamasyz etip qoımaı, tirkemeni kóterý úshin jaqyn mańdaǵy eldi mekennen arnaıy tehnıka shaqyrtty. Birneshe saǵatqa sozylǵan kómek zaıa ketpedi, tirkeme turǵyzylyp, júrgizýshi tártip saqshylaryna alǵysyn bildirdi», - dedi vedomstvodan.
Aıta ketsek, budan buryn Aqmola oblysynda jolda qalǵan 191 adam qutqarylǵanyn jazǵan edik.
