Aqmola oblysynda arbadaǵy adam jedel járdem kóliginiń astyna túsip mert boldy

Aqmola oblysynda arbaǵa tanylǵan ekinshi toptaǵy múgedek – 67 jastaǵy er adam abaısyzda jedel járdem kóliginiń astyna túsip, mert boldy. Polıtsııa sotqa deıingi tergeý amaldaryn júrgizip, dep habarlaıdy Kazinform. 

Aqmola oblystyq PD baspasóz qyzmetiniń málimetinshe, oqıǵa 21 qarashada Tselınograd aýdanynyń Aqmol aýylynda bolǵan.

«Emhananyń turaǵynda jedel járdem stantsııasynyń júrgizýshisi «ÝAZ» avtokóligimen manevr jasaý kezinde múgedekter arbasynda otyrǵan 67 jastaǵy er adamdy abaısyzda basyp ketti. Er adam 2-shi toptaǵy múgedek, arabanyń kómegimen qozǵalady, kóliktiń artqy jaǵynda turǵan. Zeınetker alǵan dene jaraqatynan sol jerde kóz jumdy. Qazirgi kezde, jol-kólik oqıǵasy deregi boıynsha Qylmystyq kodekstiń 345-baby 3-bóligi boıynsha sotqa deıingi tergeý amaldary qolǵa alynyp, saraptamalar taǵaıyndaldy», - dedi vedomstvodan.

Aıta ketsek, budan buryn Aqmola oblysynda abaısyzda qulap, qaza bolǵan jumysshynyń ólimine baılanysty is qozǵalǵanyn jazǵan edik.