20:31, 21 Shilde 2024 | GMT +6
Aqmola oblysynda AN-2 ushaǵy janyp ketti
KÓKShETAÝ. KAZINFORM – Aqmola oblysynda Jarqaıyń aýdanynda AN-2 ushaǵy órtenip ketti.
Aqmola oblysy TJD baspasóz qyzmetiniń málimetinshe, oqıǵa búgin Derjavınsk qalasynan 10 shaqyrym jerde bolǵan.
«Áýege kóterilmekshi bolǵan AN-2 ushaǵynan órt shyqty. Qaıtys bolǵandar men zardap shekkender joq. Ushqysh janyp jatqan tehnıkadan ózdiginen evakýatsııalandy. TJM qutqarýshylary 8 mınýt ishinde órtti oqshaýlady. Qazirgi ýaqytta órt tolǵymen sóndirildi», - dedi vedomstvodan.
TDJ baspasóz qyzmetinen atap ótkendeı, qazirgi kezde órttiń shyǵý sebebi anyqtalyp jatyr.
Aıta ketsek, budan buryn «Astana-Petropavl» avtojolynda boıaý tıelgen fýra aýdarylyp qalǵanyn jazǵan edik.
