Aqmola oblysynda ákesi men balasy esirtki zerthanasyn uıymdastyrǵan

ASTANA. KAZINFORM –  Esirtki qylmysyna qarsy is-qımyl komıtetiniń qyzmetkerleri Aqmola oblysynda iri esirtki zerthasyn joıdy. Bul týraly ІІM baspasóz qyzmeti habarlady. 

54 jastaǵy er adam men onyń 26 jastaǵy uly ustaldy.

Ákesi ulyn zańsyz bızneske tartyp, sıntetıkalyq esirtki óndirýdi úıretken.

Arnaıy operatsııa barysynda: — 200 keli mefedron; 2 tonnadan astam prekýrsor; hımııalyq reaktor; túrli jabdyqtar tárkilendi.

— Tárkilengen esirtki 600 júz myń bir rettik dozaǵa teń. Qara naryqtaǵy quny 5 mlrd teńge nemese 10 mln AQSh dollarynan astam. Bul esirtki zańsyz aınalymǵa tússe, myńdaǵan adamnyń taǵdyryna balta shabýshy edi, — dedi ІІM Esirtki qylmysyna qarsy is-qımyl komıtetiniń tóraǵasy Danııar Meıirhan.

Prekýrsor basqa óńirlerge de jetkizilmek bolǵan.

Aıta ketelik Pavlodar oblysynda zańsyz aınalymnan asa iri mólsherde esirtki zaty tárkilengen edi.