Aqmola oblysynda adam óltirý, urlyq deregi boıynsha izdeýde júrgender ustaldy

KÓKShETAÝ. KAZINFORM — Kisi óltirý, qaraqshylyq, esirtki aınalymy jáne urlyq derekteri boıynsha kúdikke ilingender ustaldy, dep habarlaıdy Kazinform agenttiginiń tilshisi.

Aqmola oblystyq polıtsııa departamentiniń baspasóz qyzmetiniń málimetinshe, óńirde halyqaralyq jáne memleketaralyq izdeýde júrgen tulǵalardyń, sondaı-aq habar-osharsyz ketken azamattardyń ornalasqan jerin anyqtaýǵa baǵyttalǵan «Іzdeý» jedel-aldyn alý is-sharasy ótkizildi.

– Jedel-aldyn alý is-sharasy barysynda aqmolalyq polıtseıler 18 adamnyń qaıda júrgenin anyqtady. Olardyń úsheýi – habar-osharsyz ketkender, sondaı-aq qylmystyq ister boıynsha izdeýde júrgender. Ustalǵandardyń arasynda kisi óltirý, qaraqshylyq, esirtki quraldarynyń zańsyz aınalymy jáne urlyq jasady degen kúdikke ilingender bar, – dep habarlady vedomstvodan.

Anyqtalǵan azamattardyń bir bóligi jaqyn memleketterde izdeýde bolǵan jáne Interpoldyń halyqaralyq bazasyna engizilgen.

Polıtsııanyń málimetinshe, barlyq anyqtalǵan tulǵalar tıisti aýmaqtyq bólimshelerge jetkizilgen.

Eske sala keteıik, Batys Qazaqstan oblysynda eki kún ishinde buryn izdeýde bolǵan 13 kúdikti ustaldy.