Aqmola oblysynda 65 shaqyrym jol jóndelip jatyr
ASTANA. KAZINFORM – Aqmola oblysyndaǵy respýblıkalyq mańyzy bar «Makınsk – Aqsý – Torǵaı» avtojolynyń 175-240 shaqyrym aralyǵynda ortasha jóndeý jumystary júrgizilýde.
Jóndeý jumystary qamtylǵan ýchaskeniń jalpy uzyndyǵy 65 shaqyrymdy quraıdy. Jobany iske asyrýǵa 42 maman men 23 birlik arnaıy tehnıka jumyldyrylǵan.
Qazirgi ýaqytta ortasha jóndeý aıasynda:
-
53,5 shaqyrym jol jabyny jonyldy;
-
26 100 tekshe metr kólemindegi jol aqaýlary joıyldy;
-
49,16 shaqyrymda sýyq joný ádisimen negiz qabaty tóseldi;
-
48 shaqyrymda iri túıirshikti asfaltbeton qospasynyń tómengi qabaty salyndy;
-
32 shaqyrymda maıda túıirshikti asfaltbeton qospasynyń ústińgi qabaty tóseldi.
- Sonymen qatar ınjenerlik ınfraqurylymdy jańartý aıasynda birneshe sý ótkizgish qubyr ornatyldy. Jol jıegin qum-qıyrshyqtas qospasymen nyǵaıtý jumystary da qatar atqarylyp jatyr, - dep túsindirdi QazAvtoJoldan.
Mamandardyń aıtýynsha, júrgizilip jatqan jóndeý jumystary joldyń beriktigin arttyryp, paıdalaný merzimin uzartýǵa múmkindik beredi.
Aıta keteıik, buǵan deıin Ulytaý men Qyzylorda arasyndaǵy jol bıyl tolyǵymen aıaqtalatyny habarlandy.
