Aqmola oblysynda 6 adam qar qursaýynda qalyp qoıǵan
ASTANA. KAZINFORM – Aqmola oblysynyń Jarqaıyń aýdanynda qarly boran saldarynan jolda qalyp qoıǵan 6 adamǵa Tótenshe jaǵdaılar mınıstrliginiń qyzmetkerleri kómek kórsetti.
TJM málimetinshe, jeńil avtokólik jolaýshylarymen birge Qostanaı oblysynyń shekarasynan Derjavınsk qalasy baǵytynda kele jatyp, joldan shyǵyp ketken. Sonyń saldarynan kóliktegi azamattar baǵytynan adasyp, qozǵalysty óz betinshe jalǵastyra almaǵan.
Oqıǵa ornyna jedel jetken qutqarýshylar alty adamdy qaýipsiz jerge evakýatsııalap, olardy jylytý pýnktine ornalastyrdy. Zardap shekkender joq.
Tótenshe jaǵdaılar mınıstrligi qysqy kezeńde alys jolǵa shyǵar aldynda aýa raıy boljamyn muqııat qadaǵalap, joldaǵy qaýipsizdik talaptaryn saqtaýǵa jáne qolaısyz meteojaǵdaılardy eskerýge shaqyrdy.
Aıta keteıik, qys bastalǵaly 1,1 myńnan astam adam qar qursaýynan qutqaryldy.