Aqmola oblysynda 58 mln teńge jymqyrǵan esepshi 7 jylǵa sottaldy
KÓKShETAÝ. KAZINFORM – Aqmola oblysyndaǵy 58 mln teńge jymqyrǵan esepshige sot úkimi shyqty, dep habarlaıdy Aqmola oblystyq prokýratýrasynyń baspasózó qyzmeti.
Baspasóz qyzmetiniń málimsetterine qaraǵanda, prokýratýra Jaqsy aýdanynyń ishki saıasat, mádenıet, tilderdi damytý jáne sport bóliminiń janyndaǵy «Aýdandyq mádınıet Úıi» MKKK-nyń qyzmetine tekserý júrgizip, esepshiniń kásiporynnan 58 mln teńgeden astam bıýdjettik qarajatyn jymqyrǵanyn anyqtady.
Espeshi qarjyny óziniń banktik shotyna zańsyz aýdarǵan.
Nátıjesi boıynsha aýdan prokýratýrasymen QR QK-niń 189-baby 4-bóliginiń 2) tarmaǵymen sotqa deıingi tergep-tekserý bastalyp, is sotqa jiberilgen.
Sot úkimimen mádenıet úıiniń esepshisi 7 jylǵa bas bostandyǵynan aıyrylǵan. QK-tiń 74-babyna sáıkes, jazany óteý 5 jylǵa keıinge qaldyryldy. Úkim zańdy kúshine enbegen.
Osyǵan deıin Qostanaıda 3 mlrd teńge sýbsıdııa jymqyrý isi boıynsha úkim shyqqan bolatyn.
