Aqmola oblysynda 4 aıda 232 adam alaıaqtarǵa aldanǵan
ASTANA. KAZINFORM - Oblys prokýratýrasy «Qazaqtelekom» AQ jáne Polıtsııa departamentiniń «Cyberpol» qyzmetkerlerimen birge ózara yntymaqtastyq sheńberinde ınternet-alaıaqtyq faktisiniń joly kesildi.
77 jastaǵy Derjavınsk qalasynyń turǵyny jáne onyń 53 jastaǵy uly alaıaqtyń «qurbanyna» aınala jazdady. Alaıaq ózin medıtsına qyzmetkeri retinde tanystyryp, medıtsınalyq tekserý júrgizý syltaýymen, SMS arqyly kelgen rastaý kodtaryn ıemdengen.
- Jedel top fıshıngtik qońyraýdy der kezinde toqtatty. Jedel ári úılesimdi áreketterdiń arqasynda zeınetker áıel men onyń ulynyń jınaqtary saqtalyp, alaıaqtyq faktisiniń joly kesildi, - delingen habarlamada.
Jalpy, 4 aı ishinde oblys boıynsha 232 turǵyn alaıaqtardyń qurbanyna aınalyp, keltirilgen shyǵyn 554 mln teńgeden asty.
-Turǵyndardy saq bolýǵa jáne alaıaqtardyń aıla-tásilderine aldanbaýǵa shaqyramyz,-dep eskertti prokýratýra.
Osyǵan deıin Almatyda telefon alaıaqtyǵyna qatysy bar qylmystyq top ustalǵany týraly jazdyq.
