Aqmola oblysynda 39 jastaǵy er adam qonaq úı aýlasynda asylyp qaldy

KÓKShETAÝ. KAZINFORM — Aqmola oblysynda qonaq úı aýlasynda sýıtsıd jasaǵan 39 jastaǵy er adamnyń ólimi tergelip jatyr. 

Aýmaqtyq PD baspasóz qyzmetiniń málimetinshe, bıylǵy jyldyń 7 aqpanynda Býrabaı aýdandyq polıtsııa bólimine Şýche qalasynyń 56 jastaǵy turǵyny habarlasyp, kúıeý balasyn izdeýge kómek suraǵan. 

39 jastaǵy er adam 6 aqpannan beri baılanysqa shyqpaǵan.

Joǵalǵan adamdy izdeýge Býrabaı aýdany men oblys polıtsııasynyń búkil jeke quramy jumyldyryldy. 

Sonymen birge, onyń tanystary men jaqyndary suraldy. Er adamnyń qumar oıyndary men stavkaǵa áýestigi anyqtaldy. 

«Bir táýlik ótken soń polıtsııa er adamnyń denesin jergilikti qonaq úılerdiń biriniń aýmaǵynda asylyp turǵan jerinen tapty. Qazirgi kezde, osy derek boıynsha sotqa deıingi tergeý amaldary júrgizilýde, oqıǵanyń mán-jaıy anyqtalyp jatyr», — dedi vedomstvodan.

Aıta ketsek, budan buryn Aqmola oblysynda 24 jastaǵy qyz toǵyzynshy qabattan sekirgenin jazǵan edik.