Aqmola oblysynda 30 myńnan astam jaıylymdyq jer muqtaj aýyldarǵa berildi - prokýratýra
Aqmola oblysynyń Atbasar aýdanynda 30 myń gektardan astam jaıylymdyq jerdiń zańsyz bólingendigi anyqtaldy, dep habarlaıdy QazAqparat tilshisi oblys prokýratýrasynyń baspasóz qyzmetine silteme jasap.
Vedomstvonyń málimetinshe, bıylǵy jyldyń basynan beri, Atbasar aýdanynda jaıylymdar tapshylyǵy 25 aýyldyq eldi mekende 33,9 myń gektardy quraǵan.
Osy oraıda, Atbasar aýdany boıynsha jaıylymdardy basqarý jáne olardy paıdalaný jónindegi 2023-2024 jyldarǵa arnalǵan josparda, Shuńqyrkól jáne Telman aýyldyq okrýgterinde 33,5 myń gektar kóleminde jaıylymdyq jerler bólingendigi anyqtaldy.
Alaıda, bul jaıylymdar muqtaj aýyldarǵa bólinbegen.
- Prokýratýranyń qadaǵalaý aktisi boıynsha 18 aýylǵa halyqtyń jeke mal jaıý qajettiligin qanaǵattandyrý úshin, aýdany 30 myń gektardan asatyn shalǵaı jaıylymdar berildi. Budan bólek, bosatylǵan jerler esebinen jaıylymdardyń qalǵan tapshylyǵyn joıý boıynsha sharalar qabyldanýda, - dedi vedomstvodan.
Aıta ketsek, budan buryn Aqmola oblysynda 13,4 gektar jer telimi memleketke qaıtarylǵanyn jazǵan edik.