Aqmola oblysynda 242 túlek «Altyn belgige» úmitker

KÓKShETAÝ. KAZINFORM – Aqmola oblysynda 242 túlek «Altyn belgi» tósbelgisine jáne 365 túlek úzdik attestatqa úmitker.  

Oblystyq bilim basqarmasynyń málimetinshe, Aqmola oblysynda 138 268 oqýshy oqý jylyn aıaqtaıdy. Onyń ishinde 4 967 túlek 11-synypty bitiredi.

«Bıylǵy oqý jylynda Aqmola oblysynda orta mektepti bitiretin 242 túlek «Altyn belgi» tósbelgisine jáne 365 túlek úzdik attestatqa úmitker. Sonymen birge óńirde negizgi mektepti, ıaǵnı, 9 synypty aıaqtaıtyn 12 693 (2023 jyly – 12 043) túlek bolsa, onyń ishinde 863 bala úzdik attestatqa bitirýshiler», - dedi basqarmanyń baspasóz qyzmetinen.

Aqmola oblystyq bilim basqarmasynyń málimetinshe, óńirdegi sý tasqyny bolǵan aımaqtarda turatyn túlekter qorytyndy emtıhandardy tapsyrýdan bosatylmaıdy. 11 synyp úshin qorytyndy attestattaý 28 mamyr-11 maýsym aralyǵynda, 9 synyp úshin qorytyndy attestattaý 29 mamyr-10 maýsym aralyǵynda ótedi. 

Al, birqatar óńirde sý tasqyny kezinde Tótenshe jaǵdaı rejıminiń jarııalanýyna baılanysty oblysta Ulttyq biryńǵaı testileý 25 mamyrdan 12 shildege deıingi aralyqta ótkiziletin boldy. Qalǵan óńirlerde testileý 2024 jylǵy 16 mamyrdan 5 shildege deıin ótkiziledi. 

Aıta ketsek, budan buryn elimizde bıyl 186 myń túlek mekteppen qoshtasatynyn jazǵan edik.