Aqmola oblysynda 200-ge jýyq bala Prezıdent shyrshasynyń qonaǵy boldy
Búgin Qazaqstannyń barlyq óńirinde Qazaqstan Prezıdentiniń atynan dástúrli jańajyldyq qoıylym ótti, dep habarlaıdy Kazinform.
Ákimdiktiń málimetinshe, Aqmola oblysynyń bas shyrshasy «Bolashaq sarayi» balalar men jasóspirimder saraıynda jaǵyldy.
Merekelik is-sharaǵa oblystyń barlyq aýdany men qalalarynan 200 jýyq bala qatysty. Oblys ákimi Marat Ahmetjanov Memleket basshysynyń atynan búldirshinderdi kele jatqan Jańa jyl merekesimen quttyqtady.
«Búgin memleket sizder úshin qajettiniń bárin jasaýda, jańa mektepter salynýda, jaqsy bilim alý úshin jaǵdaı jasalyp jatyr. Prezıdent atap ótkendeı, eger balalar baqytty bolsa – bul memlekettiń bolashaǵy zor ekendiginiń kórsetkishi. Bizdiń basty baılyǵymyz – sizder», - dedi óńir basshysy.
Shortandy aýdanynan kelgen «Zerde» ǵylymı jobalar baıqaýynyń jeńimpazy 12 jasar Áljan Tólegen úshin oblystyq shyrsha ómirdegi eń este qalarlyq jáne mańyzdy oqıǵalardyń birine aınaldy.
«Meni shaqyrǵan kezde qatty qýandym. Bul meniń ómirimdegi mańyzdy oqıǵa. Men muny árqashan este saqtaımyn. Bizge osy qýanyshty syılaǵanyńyz úshin raqmet», - dedi qatysýshy.
Jańa jyldyq merekelik baǵdarlama teatrlandyrylǵan qoıylymmen jáne ertegi keıipkerleriniń súıemeldeýimen ashylyp, shyrshany jaǵýmen jalǵasty.
Mereke sońynda qońaqtarǵa Qazaqstan Prezıdenti Qasym-Jomart Toqaevtyń atynan 100 myń teńgege aqshalaı sertıfıkattar jáne tátti syılyqtar túrindegi jańa jyldyq syılyqtar tabys etildi.
