Aqmola oblysynda 20 tonna jumyrtqa tıelgen fýra aýdarylyp qaldy
Aqmola oblysynda «Kókshetaý – Rýzaevka» tas jolynda kóktaıǵaqtan jumyrtqa tıelgen fýra aýdarylyp qaldy, dep habarlaıdy Kazinform.
Oblystyq Polıtsııa departamenti baspasóz qyzmetiniń málimetinshe, jol-kólik oqıǵasy «Kókshetaý – Rýzaevka» tasjolynyń 21-shaqyrymynda boldy.
«Rýzaevka baǵytynda júrip bara jatqan «Volvo» kóliginiń júrgizýshisi – 21 jastaǵy aqtóbelik kóktaıǵaqtyń saldarynan rýlge ıe bola almaı qalǵan. Saldarynan kólik aýdaryldy. Anyqtalǵandaı, júrgizýshi Astanadan Aqtóbe qalasyna 20 tonna jumyrtqa tasymaldap bara jatqan», - dedi vedomstvodan.
Demalys kúnderi aýa raıynyń nasharlaýynan Aqmola oblysynda 18 jol-kólik oqıǵasy boldy.
Budan buryn óńirde jolda qalǵan 2 myńnan astam avtokóliktiń dittegen jerine jetýine patrýldik polıtsııa qyzmetkerleri kómekteskenin jazǵan edik.
