Aqmola oblysynda 182 kásipkerge 7 mln teńgeden astam qarjysy qaıtaryldy

кәсіпкер
Фото: ҚазАқпарат

Aqmola oblysynyń tabıǵatty qorǵaý prokýratýrasy qorshaǵan ortaǵa emıssııa úshin salyqtyń joǵarylatylǵan somasyn óndirý faktilerin anyqtady, dep habarlaıdy Kazinform.

Prokýratýranyń sharalarymen kásipkerlerge 7 mln teńgeden astam qarajat qaıtaryldy


Bas prokýratýranyń málimetinshe, salyq 2020 jylǵy 8 sáýirde naqtylanǵan aılyq eseptik kórsetkishtiń mólsheri boıynsha eseptelgen, alaıda 1 qańtarǵa belgilengen aılyq eseptik kórsetkishtiń mólsheri boıynsha qoldanylýy tıis bolǵan.

"Nátıjesinde, qoldanylatyn AEK mánderi arasyndaǵy aıyrmashylyq 127 teńgeni nemese 2 651 teńgeden 2 778 teńgeni quraǵan.

Salyq tóleýshilerdiń bıýdjetke tólenetin mindetti tólem mólsherin durys esepteý mindetterine qaramastan, olar prokýrordyń aralasýyna deıin buzýshylyqtardy joıý boıynsha sharalardy óz betinshe qabyldamaǵan", - dep jazdy baqylaýshy organ.

Aqmola oblysynyń Memlekettik kirister departamentine zań buzýshylyqtardy joıý týraly engizilgen usynym boıynsha 182 kásipkerlik sýbektisiniń quqyqtary qorǵalyp, olarǵa 7,2 mıllıon teńgeden astam qarjy qaıtaryldy, al salyqtardy esepteýdiń negizsiz tájirıbesi joıyldy.

Сейчас читают