Aqmola oblysynda 1,6 mlrd teńgeden astam qarjy tıimsiz josparlanǵan
ASTANA. KAZINFORM – Aqmola oblystyq bıýdjet qarajaty esebinen 4,1 mlrd teńge somaǵa qorshaǵan ortany qorǵaý jónindegi is-sharalar jospary bekitildi.
Taldaý nátıjeleri boıynsha óńirdiń ekologııalyq problemalaryn sheshýge baǵyttalǵan bıýdjet qarajatyn tıimsiz josparlaý faktileri anyqtaldy.
Mysaly, is-sharalar josparynda 55 mln teńge somasyna Aqmola oblysy aýmaǵyndaǵy 16 jer qoınaýyn paıdalaný obektisin rekýltıvatsııalaý boıynsha jobalyq-smetalyq qujattamany ázirleý kózdelgen.
«Jer qoınaýy jáne jer qoınaýyn paıdalaný týraly» Kodekstiń 54, 55-baptaryna sáıkes, jer qoınaýyn paıdalanýshy ózine berilgen jer qoınaýy ýchaskesinde júrgizilgen operatsııalardyń saldaryn óz qarajaty esebinen joıýǵa mindetti.
Budan bólek, atalǵan jer qoınaýyn paıdalanýshylardy joıý mindettemelerin oryndaýǵa májbúrleý týraly sot sheshimderi bar.
Alaıda, qoldanystaǵy zańnama talaptary men sot sheshimderine qaramastan, basqarma tarapynan Іs-sharalar josparyna rekýltıvatsııa boıynsha jobalyq-smetalyq qujattamany ázirleý negizsiz engizilgen.
Sol sekildi 1,6 mlrd teńgeden astam somaǵa 4 is-shara boıynsha bıýdjet qarajaty tıimsiz josparlanǵan.
Zańdylyqtyń buzylýyn joıý maqsatynda oblys ákimdiginiń mekenjaıyna prokýrorlyq qadaǵalaý aktisi engizildi.
Osylaısha, prokýratýranyń sharalarymen tabıǵatty qorǵaý is-sharalaryna qarastyrylǵan bıýdjet qarajatyn tıimsiz joparlaýdyń aldyn alyndy.
