Aqmola oblysynda 1,5 jasar qyz 5 qabattan qulap kóz jumdy

KÓKShETAÝ. KAZINFORM - Aqmola oblysynda 5 qabattyń terezesinen qulaǵan 1,5 jasar qyz aýrýhanada kóz jumdy.

Aqmola oblysy PD baspasóz qyzmetiniń málimetinshe, qaıǵyly jaǵdaı qyrkúıektiń 4-de Kókshetaý qalasynda bolǵan.

«Anyqtalǵandaı, qyz bala kópqabatty turǵyn úıdiń 5-shi qabatyndaǵy páterdiń terezesinen qulap ketken. Dárigerler balanyń ómiri úshin kúresti, alaıda, búgin túnde bala qaıtys boldy. Osyǵan baılanysty polıtsııa is qozǵap, sotqa deıingi tergeý amaldaryn júrgizýde. Oqıǵanyń mán-jaıy anyqtalýda», - dep túsindirdi vedomstvodan.

Aıta ketsek, budan buryn Aqmola oblysynda sport mektebindegi órtten 15 bala evakýatsııalanǵanyn jazǵan edik.