Aqmola oblysynda 130 mln teńgeniń altynyn ıemdenbek bolǵan qara kenshiler ustaldy
Aqmola oblysynda 130 mln teńgeniń altynyn ıemdenbek bolǵan qara kenshiler toby ustaldy. Kazinform bul týraly Polisia.kz-ke silteme jasap habarlaıdy.
21 qarasha kúni ІІM uıymdasqan qylmysqa qarsy kúres departamenti men Aqmola oblystyq polıtsııa departamentiniń qyzmetkerleri oblys prokýratýrasynyń úılestirýimen Stepnogorsk qalasynyń aýmaǵynda altyn óndirýshi kásiporyn qyzmetkerlerinen turatyn qylmystyq toptyń zańsyz áreketiniń jolyn kesti. Qylmystyq toptyń quramynda sol kásiporynnyń tehnologııalyq ýchaskesiniń sheberi basqarǵan daıyn ónim tsehynyń qyzmetkerleri bolǵan. Arnaıy is-sharalar sheńberinde qyzmettik múmkindikterdi paıdalana otyryp, kúdiktiler Aqsý kenishinen quramynda altyny bar kendi urlaý júıesin kózdegeni anyqtaldy.
Qylmystyq nıetterin júzege asyrý úshin qylmyskerler beınebaqylaý júıesimen qamtylmaǵan aımaqtardy paıdalanyp, urlanǵan zatty jumys kıiminiń ishine jasyryp alyp shyǵýǵa tyrysqan. Ustalǵandardan quramynda 4,5 keli taza altyny bar 7 keli kontsentrat alyndy. Tárkilengen zattyń quny 130 mln teńgeden asady.
Qylmystyq toptyń músheleri tergeý ızolıatoryna qamaldy. Qylmystyq is asa iri mólsherde jasalǵan urlyq faktsi boıynsha tergelip jatyr.
