Aqmola oblysynda 12 jasar qyz besinshi qabattan qulap ketti

KÓKShETAÝ. KAZINFORM — Aqmola oblysynyń Býrabaı aýdanynda besinshi qabattaǵy páterdiń terezesinen qulaǵan 12 jastaǵy qyz aýrýhanada jatyr. 

Aqmola oblysy PD baspasóz qyzmetiniń málimetinshe, keleńsiz jaǵdaı 14 qyrkúıekte Şýche qalasynda bolǵan. 

«Býrabaı aýdandyq polıtsııa bóliminen habarlaǵandaı, oqıǵa osy jyldyń 14 qyrkúıeginde Şýche qalasynda boldy. Aldyn ala anyqtalǵandaı, 12 jasar qyz 5-shi qabattaǵy páteriniń terezesinen qulap ketti. Osy derek boıynsha sotqa deıingi tergeý bastaldy, oqıǵanyń mán-jaıy anyqtalyp jatyr. Sondaı-aq, qyzdyń emdeý mekemesine jatqyzylǵanyn habarlaımyz», — dep túsindirdi Kazinform tilshisiniń saýalyna Aqmola oblysy PD baspasóz qyzmetinen.

Aıta ketsek, budan buryn Býrabaı kentinde 4 jastaǵy bala ekinshi qabattyń terezesinen qulap ketken bolatyn.