Aqmola oblysynda 100 shaqty týrıst qutqaryldy

ASTANA. KAZINFORM —  Aqmola oblysynyń Býrabaı aýdanynda elordadan kele jatqan eki avtobýs qara joldyń qıyn ýchaskesinde laıǵa batyp qaldy, dep habarlaıdy Tótenshe jaǵdaılar mınıstrliginiń baspasóz qyzmeti.

Aqmola oblysy Býrabaı aýdanynda Astanadan shyqqan eki avtobýs jańbyr saldarynan laıǵa aınalǵan dala jolynda, júrip óte almaı qalǵan.

Avtobýstarda 99 adam bolǵan. Oqıǵa týraly habar alǵan qutqarýshylar birden oqıǵa ornyna attandy. Qutqarýshylar avtobýstardy joldyń tazartylǵan ýchaskesine súırep shyǵardy. Zardap shekkender joq.