Aqmola oblysynda 100 gektardan astam jer memleketke qaıtaryldy

KÓKShETAÝ. KAZINFORM – Aqmola oblysy prokýratýrasynyń sharalarymen orman qorynyń 100 gektardan astam jeri qaıtaryldy.  

Aqmola oblysynyń tabıǵat qorǵaý prokýratýrasy orman zańnamasynyń saqtalýyna júrgizilgen taldaý nátıjeleri boıynsha uzaq jáne qysqamerzimdi orman paıdalaný sharttarynyń talaptaryn buzý faktilerin anyqtady.

Zań buzýshylyqtardy joıý maqsatynda memlekettik orman ıelenýshilerdiń mekenjaıyna prokýrorlyq qadaǵalaý aktileri engizildi.

Qaraý nátıjeleri boıynsha josyqsyz orman paıdalanýshylarmen jasalǵan sharttar buzylyp, aýdany 100 gektardan asatyn, kadastrlyq quny 1,3 mlrd teńge bolatyn 4 jer ýchaskesi qaıtaryldy.

- Orman sharýashylyǵy mekemeleriniń dırektorlary qatań tártiptik jaýapkershilikke tartyldy. Osylaısha, tabıǵat qorǵaý prokýratýrasynyń sharalarymen orman qoryn utymdy paıdalaný jáne saqtaý qamtamasyz etildi, - delingen Aqmola oblysy prokýratýrasy habarlamasynda.

Aıta keteıik, Aqmola oblysynda Memlekettik kirister departamentiniń basqarma basshysy para aldy degen kúdikke ilikti.