Túrkııa jaǵalaýynda aýrý týdyratyn Vibrio bakterııalary anyqtaldy

ASTANA. KAZINFORM – Túrkııa jaǵalaýynda adam densaýlyǵyna úlken qaýip tóndiretin, tyrysqaq, aýyr dıareıa jáne aǵzanyń sýsyzdanýyn týdyrýy múmkin Vibrio bakterııalary anyqtaldy, dep habarlaıdy Milliyet. 

Ǵalymdar vıbrıondardy Mármár, Egeı jáne Jerorta teńizderi aımaǵynan anyqtady.

Dárigerler demalýshylardy teńiz sýynyń ashyq jaraǵa túsý qaýpi týraly eskertip, saqtyq tanytýdy suraıdy. 

- Vıbrıondar jyly tuzdy sýda kóbeıedi. Tyrysqaq vıbrıony kóbine lastanǵan teńiz sýy arqyly asqazan-ishek joldaryna túsip, aýyr dıareıa jáne aǵzanyń sýsyzdanýyna ákeletin tyrysqaq aýrýyn týdyrýy múmkin. Túrkııada tyrysqaq aýrýy sırek bolǵanymen, qaýip nólge teń emes, - dep málimdedi Ystanbuldaǵy Florence Nightingale aýrýhanasynyń dárigeri Ýgýr Aferın.

Eýropalyq aýrýlardyń aldyn alý jáne baqylaý ortalyǵynyń (ECDC) sońǵy eskertýine sáıkes, buryn tek Baltyq teńizinde kezdesetin vıbrıon bakterııalary endi Soltústik teńizde jáne shomylýǵa arnalǵan jabyq aımaqtarda da kezdesedi. Bul bakterııalar joǵary temperatýra men tómen tuzdylyq jaǵdaıynda kóbeıedi.

Aıta keteıik, Túrkııanyń Antalıa aımaǵynda jer silkindi.