Aqmola oblysynda 10 kún buryn joǵalǵan 6 jasar balanyń denesi tabyldy
ASTANA. KAZINFORM – Qutqarýshylar balanyń denesin Nura ózeninen tapqan.
Balany izdeýge Aqmola oblysynan bólek Qaraǵandy oblysy men Astana qalasynyń tótenshe jaǵdaı qyzmeti de tartylǵan bolatyn. Ákimdikter bul iske eriktilerdi tartqan.
— Іzdeý jumystaryna ıisshil ıtter men súńgýirler de atsalysty. 10 mamyr kúni tótenshe jaǵdaı qyzmetiniń ókilderi balanyń denesin Nura ózeninen tapty. Sot-medıtsınalyq saraptama taǵaıyndaldy, — deıdi oblystyq tótenshe jaǵdaılar departamentiniń resmı ókili Ersaıyn Qoıshybaev.
Balanyń joǵalǵany týraly habar saqshylardyń qolyna 30 sáýir kúni tússe kerek.
— Habar túsken boıyda qylmystyq is qozǵalǵan. Qazirgi tańda tergeý jalǵasyp jatyr. Sonyń qorytyndysy boıynsha naqty protsessýaldyq sheshim shyǵarylady, — dep túsindirdi polıtsııa departamentindegiler.
Buǵan deıin Aqmola oblysynda 5 jasar balaǵa izdeý jarııalanǵan edi.