Aqmola oblysynda kásiporyn jumysshylaryna 12 mln teńge qaryz bolyp qalǵan

ASTANA. KAZINFORM – Aqmola oblysynyń prokýratýrasy aralasqannan keıin qana qaryz tolyq óteldi, dep habarlaıdy Aqmola oblysy prokýratýrasynyń baspasóz qyzmeti.

Aqmola oblystyq prokýratýrasynyń málimetinshe, Esil aýdanyndaǵy bir kásiporynda 33 qyzmetkerge jalpy somasy shamamen 12 mln teńge jalaqy berilmegen. Bul jaıt áleýmettik jaǵdaıǵa júrgizilgen monıtorıng barysynda belgili boldy.

— Esil aýdanynyń prokýrory jedel shara qabyldap, birneshe kún ishinde eńbekaqy boıynsha bereshek tolyq óteldi, — dep málimdedi vedomstvoda.

Osyǵan deıin SQO-da 104 mln teńgege jýyq eńbekaqy qaryzy qaıtarylǵany týraly jazdyq.