Aqmola oblysyna Germanııadan 165 bas golshtın sıyry ákelindi
KÓKShETAÝ. KAZINFORM – Aýyl sharýashylyǵy mınıstrligi qoldaýymen Aqmola oblysynda iri sút-taýarly ferma jobasy júzege asyrylyp jatyr.
Joba Aqmola oblysy ákimdigi, jeke ınvestor jáne «KOKSHE» áleýmettik kásipkerlik korporatsııasy birlesken qarjylandyrýy aıasynda qolǵa alynǵan.
«Burabay Milk» seriktestigi Býrabaı aýdanynda 1440 basqa arnalǵan zamanaýı sút-taýarly ferma, sondaı-aq Şýchınsk qalasynda sút zaýytyn salýdy josparlap otyr.
Joba aıasynda jalpy 330 bas asyl tuqymdy mal ákelý kózdelgen.
Kompanııa joǵary ónimdi asyl tuqymdy tabyn qalyptastyrý jumystaryn bastap ketken.
Sonyń nátıjesinde Germanııadan 165 bas golshtın tuqymdy qashardyń alǵashqy partııasy arnaıy áýe reısimen jetkizildi.
- Qazirgi ýaqytta mal karantındik baqylaýdan ótip, jańa jaǵdaıǵa beıimdelýde.
Aldaǵy bir aıda veterınarııalyq mamandar keshendi zertteýler júrgizip, asa qaýipti aýrýlarǵa tekserý ótkizedi, - delingen aqparatta.
Mınıstrlik málimetinshe, aldaǵy ýaqytta asyl tuqymdy mal basyn tolyqtyrý jumystary jalǵasady.
Aıta keteıik, buǵan deıin asyl tuqymdy sıyr alýǵa 6 paıyzdyq nesıe berý bastalǵany habarlandy.
