Aqmola oblysy Jarqaıyń aýdanynyń ákimi taǵaıyndaldy
ASTANA. KAZINFORM – Prezıdent Ákimshiliginiń jáne aýdandyq máslıhat depýtattarynyń kelisimi boıynsha 2024 jylǵy 18 jeltoqsandaǵy ókimmen Erbol Júsipbekov Jarqaıyń aýdanynyń ákimi bolyp taǵaıyndaldy.
Oblys ákimdiginiń málimetinshe, jańa ákimdi aýdan aktıvine oblys ákiminiń orynbasary Murat Balpan tanystyrdy.
Júsipbekov Erbol Kárimuly 1965 jyly Kókshetaý qalasynyń Krasnyı ıar aýylynda dúnıege kelgen. Tselınograd aýylsharýashylyq ınstıtýtyn bitirgen.
Eńbek jolyn 1989 jyly Kókshetaý oblysy Chıstopol aýdany «Chıstopolskıı» sovhozynda zootehnık-selektsıoner bolyp bastaǵan. Ár jyldary Kókshetaý jylqy zaýyty dırektorynyń óndiris jónindegi orynbasary, «Shoqan» sharýa qojalyǵynyń basshysy bolyp jumys istedi.
2003-2009 jyldary Zerendi aýdanynyń Sadovoe aýyldyq okrýginiń ákimi, aýdandyq aýyl sharýashylyǵy jáne jer qatynastary bóliminiń bastyǵy boldy. 2009-2011 jyldary Zerendi aýdanynda «Qylshaqty» JShS dırektory bolyp jumys istedi.
2011-2020 jyldary Zerendi aýyldyq okrýginiń ákimi, aýdandyq aýyl sharýashylyǵy bóliminiń bastyǵy, Zerendi aýdany ákiminiń orynbasary qyzmetterin atqardy.
2020-2021 jyldary Aqmola oblysy Aýyl sharýashylyǵy basqarmasy basshysynyń orynbasary laýazymynda qyzmet etti.
2021 jyldyń aqpan aıynan bastap Sandyqtaý aýdanynyń ákimi boldy.