Aqmola oblysy tasjolynda bolǵan apatta júrgizýshi kóliktiń ishinde qysylyp qaldy

ASTANA. KAZINFORM – Aqmola oblysyndaǵy «Astana-Petropavl» tasjolynda «Gazel» men shaǵyn avtobýs soqtyǵysty, dep habarlaıdy Kazinform tilshisi.

Jol apaty 12 aqpanda «Astana-Petropavl» tasjolynda oryn aldy. Aqmola oblystyq polıtsııa departamenti baspasóz qyzmetiniń habarlaýynsha, «Gazel» men Mercedes-Benz Sprinter» kólikteri soqtyǵysqan.

Polıtsııa qyzmetkerleri qazirgi ýaqytta oqıǵanyń mán-jaıyn anyqtap jatyr, sodan keıin qoldanystaǵy zańnamaǵa sáıkes sheshim qabyldanady. 

Oblystyq tótenshe jaǵdaılar departamenti baspasóz qyzmetiniń aqparatyna sáıkes, apat saldarynan deformatsııalanǵan kólikte qalyp qoıǵan júrgizýshilerdiń biri zardap shekti. 

- Qutqarýshylar oqıǵa ornyna tez jetip, zaqymdalǵan esikti gıdravlıkalyq qural kómeshimen ashyp, zardap shegýshini alyp shyqty. Er adam jedel járdem brıgadasyna tapsyryldy, - dep habarlady oblystyq tótenshe jaǵdaılar departamentiniń resmı ókili Ersaıyn Qoıshybaev. 

Soqtyǵysý saldarynan gaz ballondy jabdyqtardy tasymaldaǵan kólikterdiń biri tútindeı bastady. Qutqarýshylar jarylysty boldyrmaý úshin tútindi joıdy. 

Buǵan deıin Jambyldaǵy «Asa-Aqkól» trassasynda jol apatynan bir adam qaza bolǵanyn habarlaǵan edik.