Aqmola oblysy sý tasqynyna qanshalyqty daıyn
ASTANA. KAZINFORM - Aqmola oblysyndaǵy «Qazsýshar» RMK fılıalyna qarasty nysandarda aldaǵy sý tasqyny kezeńine daıyndyq aıasynda josparly ári kúndelikti jumystar júrgizilip jatyr, dep habarlaıdy QR Sý resrýstary jáne ırrıgatsııa mınıtsrliginiń baspasóz qyzmeti.
Astana sý qoımasyna, Preobrajensk gıdrotorabyna jáne Astana qalasyn Esil ózeniniń tasqyn sýynan qorǵaýǵa arnalǵan ınjenerlik qurylysjaılar keshenine 600 tonnadan astam ınertti materıal jetkizildi. Kenbıdaıyq gıdrotorabynda kótergish mehanızmderdiń shynjyrlary aýystyryldy. Krasnobor sý qoımasynyń eńisterin být taspen bekitý jumystary júrgizilip jatyr.
Sý sharýashylyǵy nysandaryna jáne óndiristik ýchaskeler aýmaǵyna baratyn kirme joldar qardan tazartylyp jatyr. Halyqty eskertý júıesine synaq júrgizildi. Sý qoımalaryndaǵy tasqyn sýdy ótkizý jáne jınaqtaýǵa arnalǵan bos syıymdylyq kólemi 175 mln tekshe metrdi quraıdy.
-Jumystar 2026 jylǵy sý tasqyny kezeńine daıyndyq boıynsha buryn bekitilgen is-sharalar josparyna sáıkes júrgizilip jatyr. Fılıalǵa qarasty barlyq sý sharýashylyǵy nysandarynda turaqty monıtorıng júrgizilip, jedel áreket etýdi qamtamasyz etý úshin jabdyqtarǵa tehnıkalyq qyzmet kórsetý jumystary belsendi túrde atqarylýda, – dedi Aqmola oblysyndaǵy «Qazsýshar» RMK fılıalynyń dırektory Erbol Áskerbekov.
Osyǵan deıin Sý resýrstary jáne ırrgatsııa mınıstrliginiń sý resýrstaryn qorǵaý men paıdalanýdyń basseındik josparyn ázirleýdi bastaǵany týraly jazdyq.