Aqmola oblysy Polıtsııa departamentine jańa bastyq taǵaıyndaldy
Prezıdent ákimshiliginiń kelisimi boıynsha Іshki ister mınıstriniń buıryǵymen Aqmola oblysy Polıtsııa departamenti bastyǵy bolyp polıtsııa polkovnıgi Nursultan Muqashev taǵaıyndaldy, dep habarlaıdy QazAqparat QR ІІM baspasóz qyzmetine silteme jasap.
Jańa bastyqty jeke quramǵa ishki ister mınıstriniń orynbasary Qaırat Sóntaev tanystyrdy.
Muqashev 1977 jyly 22 shildede Qaraǵandyda dúnıege kelgen. Іshki ister organdaryndaǵy qyzmetin 1998 jyly Qaraǵandy oblysy ІІB anyqtaý bólimshesiniń anyqtaýshysy qyzmetinen bastady.
Ol Qaraǵandy oblysynyń Uıymdasqan qylmysqa qarsy kúres basqarmasynda túrli laýazymdarda bolǵan. 2010-2020 jyldary Qaraǵandy qalasy ІІB Mıhaılov polıtsııa bólimin, Saran qalasy ІІB, Qaraǵandy qalasy PB, Shahtınsk qalasy polıtsııa bólimin basqardy. Sondaı-aq Astana qalasy polıtsııa departamenti bastyǵynyń orynbasaryn laýazymynda bolǵan.
Buǵan deıingi laýazymy - Aqmola oblysy polıtsııa departamenti bastyǵynyń orynbasary.
