Aqmola oblysynda iri esirtki zerthanasy joıyldy

ASTANA. KAZINFORM – Aqmola oblysynyń týmasy esirtki zerthanasyn qurǵany úshin sottaldy. Bul týraly Aqmola oblysynyń prokýratýrasy málim etti.  

Prokýratýranyń málimetinshe, «H» esimdi áldebir azamat kýratordyń nusqaýyn basshylyqqa ala otyryp, psıhotroptyq zattar men olardyń analogtaryn zańsyz jasaý úshin barlyq qajetti komponentter men jabdyqtardy jınap, jasyryn zerthanany uıymdastyrý maqsatynda jeke úı tapqan. 

«Atalǵan zerthanada tintý júrgizý barysynda salmaǵy 33 kg-nan asatyn psıhotroptyq zattar, salmaǵy 31 kg-nan asatyn hımııalyq suıyqtyqtar, ydystarǵa oralǵan qurylǵylar, zerthanalyq aspaptar jáne psıhotroptyq zattardyń analogtary tabylyp, tárkilendi», - delingen habarlamada.

Aqmola oblysynyń qylmystyq ister jónindegi mamandandyrylǵan aýdanaralyq soty «H» azamatyn qylmystyń quraly bolyp tabylatyn avtokólik pen jeke úıin tárkilep, 11 jylǵa bas bostandyǵynan aıyrdy.

Osyǵan baılanysty Aqmola oblysynyń prokýratýrasy azamattardy azyq-túlik kóknáriniń úlken kólemde satý faktileri anyqtalǵany týraly quqyq qorǵaý organdaryna habarlaýǵa shaqyrady.