Aqmola oblysy Arshaly aýdanynyń turǵyndary úılerdi sý basyp jatqanyna shaǵymdandy

ASTANA. KAZINFORM – Aqmola oblysynyń Arshaly aýdany, Anar stansasynyń jergilikti turǵyndarynan 1403 baılanys ortalyǵyna jol astyndaǵy qubyr sý jiberip, úılerdi sý alyp jatqany týraly habar kelip tústi.

Bul týraly «QazAqtoJol» UK» AQ baspasóz qyzmetinen habarlandy.

Baspasóz qyzmetiniń málimetterine qaraǵanda, mamandar dereý turǵyndarmen habarlasyp, ol aýmaqtaǵy qubyrlardyń taza, qalypty jumys istep turǵanyn baıandady. Tek erigen qar sýy tómende ornalasqan úıdiń mańynda jınaqtalǵany anyqtaldy.

«DEÝ 47 mamandary sýdy basqa baǵytta aǵyzý úshin transheıalardy qazý jumystaryn júrgizdi. Sondaı-aq, jol táýlik boıy fılıal mamandary tarapynan baqylaýǵa alyndy», - delingen habarlamada.