Aqmola oblysy ákimdigine qarasty ǵımarat ornyna shahmat úıi ashylady
ASTANA. KAZINFORM – Aqmola oblysyndaǵy (Kókshetaý qalasy) ákimdikke qarasty balyqshylar úıiniń ornyna balalarǵa arnalǵan ortalyq - shahmat úıi ashylady. Bul týraly atalǵan óńirdiń ákimi Marat Ahmetjanov málim etti.
«Ol - rezıdentsııa emes, ákimdiktiń tirkeýinde turǵan ǵımarat. Ǵımaratty biz oblystyq Bilim basqarmasyna berdik, ol jerde Aqmola oblystyq balalarǵa arnalǵan ortalyq - shahmat úıin ashýdy josparlap otyrmyz. Qazir ǵımaratty shahmat úıine aınaldyrý baǵytynda, qaıta jóndeý jumystary júrip jatyr», - dedi Marat Ahmetjanov Úkimet otyrysynan keıin Kazinform agenttigi tilshisiniń suraǵyna jaýap bere otyryp.
Ákimniń aıtýynsha, atalǵan ǵımarat bıyl paıdalanýǵa beriledi.
Eske sala ketsek, ótken jyldan bastap el óńirlerindegi ákimdikke qarasty ǵımarattardy (rezıdentsııa) halyq ıgiligine berý is-sharasy qolǵa alynǵan edi.
Aıta ketsek, byltyr Aqtóbe qalasyndaǵy rezıdentsııa Memleket basshysy men túrli qonaqtar qabyldaıtyn qonaqúı bolsa, endi balalardyń demalys nemese saýyqtyrý ortalyǵyna aınalatyny aıtyldy.
Sondaı-aq, Jambyl oblysyndaǵy Prezıdent rezıdentsııasy oqý-saýyqtyrý ortalyǵy bolyp qaıta ashylǵan edi.
