Taǵy tórt óńirde aýa raıyna baılanysty avtojoldar jabyldy
ASTANA. KAZINFORM – Aýa raıynyń qolaısyzdyǵyna baılanysty elimizdiń birqatar óńirinde respýblıkalyq mańyzy bar avtomobıl joldarynda kólik qozǵalysyna ýaqytsha shekteýler engizildi.
Aqmola oblysy aýmaǵynda 22 qańtar saǵat 21:00-den bastap jolaýshylar tasymaldaıtyn avtobýstar men dızeldik qozǵaltqyshy bar avtokólikterdiń qozǵalysyna birqatar baǵytta shekteý qoıyldy.
Shekteý kelesi avtojol ýchaskelerine qatysty:
– «Jezqazǵan – Arqalyq – Petropavl» avtojolynyń 377-595 shaqyrym aralyǵy (Qostanaı qalasy – Soltústik Qazaqstan oblysynyń shekarasy);
– «Qostanaı – Áýlıekól – Surǵan» avtojolynyń 232-260 shaqyrym aralyǵy (Qostanaı oblysynyń shekarasy – Surǵan aýyly);
– «Jaqsy – Esil – Buzylyq» avtojolynyń 0–82 shaqyrym aralyǵy (Jaqsy aýyly – Buzylyq aýyly);
– «Astana – Kókshetaý (aınalma jol) – Petropavl – RF shekarasy (Jańa jol ótkizý pýnkti)» avtojolynyń 18-341 shaqyrym aralyǵy (Astana qalasy – Soltústik Qazaqstan oblysynyń shekarasy);
– «Kókshetaý – Kishkenekól – Bıdaıyq – RF shekarasy (Bıdaıyq ótkizý pýnkti)» avtojolynyń 2-50 shaqyrym aralyǵy;
– «Kókshetaý – Rýzaevka» avtojolynyń 0-61 shaqyrym aralyǵy;
– «Kókshetaý qalasynyń aınalma joly» avtojolynyń 0-18 shaqyrym aralyǵy;
– «Şýchınsk – Zerendi» avtojolynyń 0-77 shaqyrym aralyǵy;
– «Kókshetaý – Atbasar» avtojolynyń 0-184 shaqyrym aralyǵy;
– «Makınsk – Aqsý – Torǵaı» avtojolynyń 0-240 shaqyrym aralyǵy;
– «Astana qalasynyń aınalma joly» avtojolynyń 0-86 shaqyrym aralyǵy;
– «Astana – Atbasar – Jaqsy – Rýzaevka – Sarykól – Qostanaı – RF shekarasy» avtojolynyń 16-407 shaqyrym aralyǵy;
– «Astana – Qorǵaljyn» avtojolynyń 19-181 shaqyrym aralyǵy;
– «Býrabaı shıpajaı aımaǵynyń joldary» jáne birqatar kireberis baǵyttar.
Aldyn ala málimet boıynsha Aqmola oblysyndaǵy joldardy 2026 jylǵy 23 qańtar saǵat 09:00-de qaıta ashý josparlanǵan.
Sonymen qatar Jambyl oblysy aýmaǵynda 22 qańtar saǵat 20:30-dan bastap aýa raıynyń buzylýyna baılanysty respýblıkalyq mańyzy bar «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy, Qordaı asýynyń jańa aınalma joly» avtojolynyń 159-238 shaqyrym aralyǵynda (Kenen aýyly – Qaınar aýyly) kóliktiń barlyq túri úshin qozǵalysqa ýaqytsha shekteý qoıyldy.
Bul baǵytta kólik qozǵalysy eski Qordaı asýy arqyly júzege asyrylady. Jambyl oblysyndaǵy jol ýchaskesin 2026 jylǵy 23 qańtar saǵat 08:00-de ashý kózdelip otyr.
2026 jylǵy 22 qańtar saǵat 21:00-de aýa raıynyń buzylýyna baılanysty Respýblıkalyq mańyzy bar kelesi avtojoldarda kóliktiń barlyq túrleri qozǵalysyna shekteý engiziledi:
Qyzylorda oblysynyń «RF shekarasy - Mártók - Aqtóbe - Qarabutaq - Qyzylorda - Shymkent - Taraz - Qordaı - Almaty - Qorǵas - QHR shekarasy» avtomobıl jolynyń 1806-2055 shaqyrym aralyǵyndaǵy ýchaskesi (Qyzylorda qalasynan Túrkistan oblysy shekarasyna deıin) de jabylatyny málim boldy.
Túrkistan oblysynda «RF shekarasy - Mártók - Aqtóbe - Qarabutaq - Qyzylorda - Shymkent - Taraz - Qordaı - Almaty - Qorǵas - QHR shekarasy» avtomobıl jolynyń 2055-2095 shaqyrym aralyǵyndaǵy ýchaskesinde (Qyzylorda oblysy shekarasynan Túrkistan qalasyna deıin) kólik qozǵalysyna shekteý engizildi.
Joldy 23 qańtar saǵat 08:00-de ashý josparlanǵan.
Jol jaǵdaıyna qatysty qosymsha aqparatty táýlik boıy 1403 baılanys ortalyǵyna habarlasý arqyly alýǵa bolady.
Aıta keteıik, aýa raıyna baılanysty tórt oblysta respýblıkalyq joldar jabyldy.