Aqmola men Pavlodar oblystarynda aýa raıyna baılanysty birqatar joldar jabyldy

ASTANA. KAZINFORM - 12 qazanda saǵat 01:30-da Aqmola oblysynda aýa raıynyń buzylýyna baılanysty "Astana-Ereımentaý-Shıderti" avtojolynyń 16-200 shaqyrym aralyǵynda Astana qalasynan Pavlodar oblysynyń shekarasyna deıingi ýchaskede avtokóliktiń barlyq túriniń qozǵalysyna shekteý qoıyldy.

Bul týraly QazAvtoJol málimdedi.

«Sonymen qatar saǵat 00:00–de Aqmola oblysynda aýa raıynyń buzylýyna baılanysty „Ekaterınbýrg-Almaty“ avtojolynyń 1003-1128 shaqyrym aralyǵynda Atbasar qalasynan Astrahanka aýylyna deıingi ýchaskede avtokóliktiń barlyq túriniń qozǵalysyna shekteý qoıyldy», dep jazdy vedomstvodan.

Sondaı-aq 12 qazanda saǵat 01:30–da Aqmola oblysynda aýa raıynyń buzylýyna baılanysty Pavlodar oblysynda «Astana-Ereımentaý-Shıderti» avtojolynyń 200-254 shaqyrym aralyǵyndaǵy Aqmola oblysynan Shıderti aýylynyń shekarasyna deıingi ýchaskede avtokóliktiń barlyq túriniń qozǵalysyna shekteý qoıyldy.

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady.