Aqmola men Ózbekstan yntymaqtastyqty nyǵaıtýǵa múddeli
KÓKShETAÝ. QazAqparat - Aqmola oblysynyń ákimi Málik Myrzalın óńirge jumys saparymen kelgen Ózbekstan Respýblıkasynyń Qazaqstandaǵy Tótenshe jáne ókiletti elshisi Saıdıkram Nııazhodjaevpen kezdesti, dep habarlaıdy QazAqparat.
Oblys ákimi baspasóz qyzmetiniń habarlaýynsha, kezdesýde Aqmola oblysy men Ózbekstan Respýblıkasynyń Syrdarııa hokımıaty arasynda qol qoıylǵan memorandýmdy júzege asyrý joldary qarastyryldy. Aıta keteıik, sońǵy eki jyldyń qorytyndysy boıynsha eki el arasynda saýda-ekonomıkalyq baılanys nyǵaıyp keledi. 2018 jyldyń qańtar-mamyr aıynda Aqmola oblysy men Ózbekstan Respýblıkasy arasynda saýda aınalymy ótken jyldyń sáıkes kezeńimen salystyrǵanda 32,4 paıyzǵa artqan. Jıynda Aqmola oblystyq ákimdigi men Syrdarııa oblysynyń hokımııaty arasynda saýda-ekonomıkalyq salasyndaǵy ózara əriptestikti damytý sóz boldy.
"Oblys aýyl sharýashylyǵy, ónerkásip, týrızm salalary boıynsha respýblıkada aldyńǵy orynda. Sondyqtan, biz Ózbekstannyń Syrdarııa óńirimen qaı salada bolmasyn yntymaqtastyqty damytýǵa daıynbyz", - dedi Məlik Myrzalın.
Eske sala keteıik, ekijaqty saýda-ekonomıkalyq qatynas sheńberinde aqmolalyq delegatsııa osyǵan deıin Ózbekstan Respýblıkasynyń Syrdarııa óńirinde bolǵan edi. Endi ózbekstandyqtar Aqmola oblysyna saparlap otyr.
Kezdesýden soń ózbekstandyq delegatsııa «Kókshetaý» mádenıet saraıynda uıymdastyrylǵan Syrdarııa hokımııatynyń ónerkásip jáne azyq-túlik ónimderiniń jármeńkesin aralap kórdi.
2017 jyldyń qarasha aıynda Aqmola oblystyq ákimdigi men Syrdarııa oblysynyń hokımııaty arasynda saýda-ekonomıkalyq jəne mədenı-gýmanıtarlyq salasyndaǵy ózara əriptestik týraly memorandýmǵa qol qoıylǵan bolatyn.
