Aqmola men Qostanaı oblysynda aýa raıyna baılanysty eskertý jarııalandy
NUR-SULTAN. QazAqparat – Aqmola men Qostanaı oblysynda qolaısyz aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
17 naýryzda Aqmola oblysynyń keı jerlerinde tuman saqtalady, kóktaıǵaq baıqalady. Ońtústik-shyǵystan soǵatyn jel batysqa aýysady, tańerteń jáne kúndiz keı jerlerde kúshi 15-20 m/s jetedi.
Seısenbile Kókshetaý qalasynda joldarda kóktaıǵaq kútiledi. Ońtústik-shyǵystan soǵatyn jel batysqa aýysady kúndiz ekpini 15-20 m/s jetedi.
17 naýryzda Qostanaı oblysynyń keı jerlerinde tuman túsýi yqtımal. Batystan, ońtústik-batystan jel soǵady, keı jerlerinde 18 m/s jetýi múmkin.
Sol kúni kúndiz Qostanaı qalasynda batystan, ońtústik-batystan jel soǵady, ekpini 18 m/s deıin jetedi.
