Aqmola men Qostanaı oblystaryndaǵy joldar qaıta ashyldy

ASTANA. QazAqparat – 6 baǵyttaǵy respýblıkalyq joldarǵa qoıylǵan ýaqytsha shekteý alyndy. Bul týraly «QazAvtoJol» kompanııasy óziniń áleýmettik jelidegi resmı paraqshasynda jazdy, dep habarlaıdy QazAqparat tilshisi.

Jarııalanǵan málimetke sáıkes, Aqmola oblysyndaǵy myna jol ýchaskeleri qaıta ashyldy:

- «Ekaterınbýrg-Almaty» tasjolynda Jaqsy aýylynan Atbasar qalasyna deıin;

- «Jaqsy-Esil-Buzulyq» tasjolynda Jaqsy aýylynan Buzylyq aýylyna deıin;

- «Qostanaı-Áýlıekól-Surǵan» tasjolynda Qostanaı oblysy shekarasynan Surǵan aýylyna deıin;

- «Jezqazǵan-Petropavl» tasjolynda Qostanaı oblysy shekarasynan Znamenka aýylyna deıin;

Al, Qostanaı oblysynda myna jol ýchaskelerindegi ýaqytsha shekteý alynyp tastaldy:

«Qostanaı-Áýlıekól-Surǵan» tasjolynyń Oktıabrskıı aýylynan Aqmola oblysynyń shekarasyna deıingi aralyq;

«Jezqazǵan-Petropavl» kúre jolynyń Arqalyq qalasynan Aqmola oblysynyń shekarasyna deıingi aralyǵy.

Qosa keteıik, birer saǵat buryn Astana qalalyq Tótenshe jaǵdaılar departamenti kún raıyna baılanysty elordadan shyǵatyn birneshe tasjoldyń jabylǵanyn habarlap edi.