Aqmola men Qostanaı fermerleri ekken egininiń 50% joǵaltýdan qaýiptenedi

NUR-SULTAN. QazAqparat – Aqmola men Qostanaı fermerleri ekken eginniń 50 paıyzyn joǵaltýdan qaýiptenedi. Bul týraly QR Aýyl sharýashylyǵy mınıstrliginen málim etti, dep habarlaıdy QazAqparat tilshisi.

QazAqparat mınıstrlikke búginge deıin kıik qaı óńirlerdiń aýyl sharýashylyǵy daqyldaryn óndirýshilerine úlken shyǵyn keltirgenin surap saýal joldaǵan bolatyn.

Vedomstvo jaýabynda negizinen úsh oblystyń zardap shegip otyrǵanyn atady.

«Oblys ákimdikteriniń aqparatyna sáıkes, negizgi zardap shekken óńirler - Aqmola, Qostanaı jáne Batys Qazaqstan oblystary bolyp otyr. Bul aımaqtardyń ishinde Aqmola men Qostanaı oblysy sebetin negizgi daqyl – bıdaı. Búkil dándi daqyldardyń 55 paıyzy osy eki obylsta ósedi. Fermerler ekken egininiń 50 paıyzyn joǵaltýdan qaýiptenip otyr», - dep jaýap berdi mınıstrlikten.

Al QR Ekologııa, geologııa jáne tabıǵı resýrstar mınıstrliginiń dereginshe, Batys Qazaqstan oblysynda 6,7 myń gektar, Aqmola oblysynda - 141,9 myń gektar, Qostanaı oblysynda - 49,6 myń gektar egistik alqapty kıik taptap ketken.