Aqmola men Qaraǵandy oblystaryn sý basý qaýpi kúsheıip keledi - QR TJM
ASTANA. QazAqparat - Bul týraly búgin Úkimet otyrysynda QR Tótenshe jaǵdaılar mınıstri Vladımır Bojko málim etti.
«Serik Nyǵmetuly, jalpy Aqmola men Qaraǵandy oblystary boıynsha sý tasqyny ahýaly barynsha kúrdelenip kele jatqandyǵyn atap ótkim keledi. Óıtkeni qar jyldam erip jatyr. Eki oblystyń da aýmaǵynda aǵyn sý bar ári birqatar eldi mekendi sý basty. Anyqtamalar daıyndalýda, sáıkes úlgide beretin bolamyz», - dedi ol.
V.Bojkonyń atap ótýinshe, tótenshe jaǵdaılar vedomstvosynyń barlyq kúsh-qurylymdary sý tasqynynyń aldyn alýǵa jumyldyrylǵan. Aqmola, Qaraǵandy jáne Soltústik Qazaqstan oblystarynyń ákimdikteri kúndiz-túni jumys isteýde.
«Zardap shekken barlyq azamattarǵa kómek kórsetýge tyrysamyz», - dedi mınıstr.
