Aqmola mektepterinde ólketaný páni oqytyla bastaıdy
KÓKShETAÝ. QazAqparat - Kókshetaýda «Ólketaný» oqýlyǵy jobasynyń tusaýkeseri ótti, dep habarlaıdy QazAqparat tilshisi.
Jańartylǵan mazmun boıynsha negizgi jəne orta bilim deńgeıindegi 5-7 synyp oqýshylaryna bul oqý kýrsyn júzege asyrý úshin 20 oqý saǵaty qarastyrylǵan.
Oqýlyq avtorlarynyń tobyna ekologııa, týrızm jəne ólketaný salasyndaǵy təjirıbeli mamandar, pən boıynsha pedagogtar kirdi. Olardyń arasynda Kókshetaýdaǵy J.Mýsın atyndaǵy pedagogıkalyq kolledj dırektory Nurtas Ahat, Aqmola oblysynyń tarıhı-ólketaný murajaıy dırektorynyń orynbasary Alma Qunanbaeva, Sh.Ýəlıhanov atyndaǵy Kókshetaý memlekettik ýnıversıtetiniń pedagogıka ǵylymdarynyń kandıdaty Ivan Plachınta, «Keleshek 2030» baspa úıiniń redaktory Shaǵban Bektasov, óńirge tanymal pedagog jəne pýblıtsıst Əlııa Ahmetova bar.
5-7 synyptarǵa arnalǵan oqý quraldary jobasy Qazaqstan tarıhy, qazaq ádebıeti, geografııa jəne mýzyka pənderin biriktirýde mańyzdy bolmaq.
«Jańa oqýlyq oqýshylarǵa shyqqan tegin, týǵan ólkeniń tarıhy men dástúrlerin bilip, zertteýge jəne búgingi men keleshek týraly oı túıindeýge múmkindik beredi. Patrıotızm, rýhanı, ulttyq sana búgingi qoǵam úshin asa qajetti qundylyqtar», - dep atap ótti Alma Qunanbaeva jańa oqýlyqtyń tujyrymdamasynda.
Aqmola oblysyndaǵy mektepterde ólketaný sabaǵy 2018-2019 oqý jylynyń ekinshi jartyjyldyǵynan bastap oqytyla bastaıdy.
