Aqmola qyzdar basketbol komandasy el chempıony atandy
KÓKShETAÝ. QazAqparat - Aqmola oblysynyń qyzdar basketbol komandasy QR chempıonatynda jeńimpaz atandy, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasy baspasóz qyzmetiniń málimetinshe, Şýche qalasynda 2003-2004 jylǵy qyzdar arasynda Qazaqstan chempıonaty ótken.
Jarysqa elimizdiń ár óńirinen úzdik komandalar qatysty. Jeti oıyn ótkizip, onyń barlyǵynda da jeńiske jetken Aqmola oblysynyń qyzdar komandasy tuńǵysh ret QR chempıony atandy. Fınaldyq kezdesýde alań ıeleri Aqtóbe oblysynyń quramasyn 62-44 esep aıyrmasymen jeńdi.
Chempıonattyń eń úzdik oıynshysy ataǵyna aqmolalyq Kəmılə Ibragımova laıyq dep tanyldy. Jeti aqmolalyq basketbolshy qyz ulttyq qurama sapyna endi. Aqmolalyq basketbolshylar Qajymuqan atyndaǵy №3 oblystyq mamandandyrylǵan balalar men jasóspirimder sport mektebinde tárbıelenýde. Jattyqtyrýshylary - Tatıana Volkova jáne Vıktorııa Volkova.
«Chempıonatqa myqtap daıyndaldyq. Keı qyzdarymyzdyń osy jarysta jasyndaı jarqyraýyna úles qosqan alǵashqy jattyqtyrýshylary Anton Kozlov, Oksana Kozlova, Natalıa Rýd jəne Indıra Ýspanovaǵa alǵys bildiremin. Bul - bizdiń ortaq jeńisimiz!», - deıdi T.Volkova.
Eske sala keteıik, 2018 jyldyń qarashasynda Aqmola oblysynyń 2003-2004 jylǵy qyzdar basketbol komandasy úshinshi oryn alǵan bolatyn.
