Aqmola qutqarýshylary sý tasqyny qaýpi bar ózen-kólderdi táýlik boıy kúzetip otyr
KÓKShETAÝ. QazAqparat - Kún jylyp, qardyń kúrt erýine baılanysty Aqmola oblysynda jergilikti bılik múddeli organdarmen birlesip, joǵary daıyndyq rejımine kóshti, dep habarlaıdy QazAqparat tilshisi ishki saıasat basqarmasyna silteme jasap.
Vedomstvonyń málimetinshe, búgingi tańda oblys eldi mekenderinen barlyǵy 800 tekshe metr qar kúrelip, shyǵaryldy.
Budan bólek, 238 shaqyrym arnalar men aryqtar tazartyldy.
Jergilikti kommýnaldyq qyzmetter tótenshe jaǵdaılar departamentimen birlesip, Tselınograd, Arshaly, Astrahan, Esil, Shortandy, Jarqaıyń, Ereımentaý, Atbasar aýdandary men Qosshy jáne Stepnogor qalalarynda 98 myń tekshe metr erigen qar sýyn sordy.
«Kóktemgi sý tasqynyna daıyndyq sharalary ótken jazda bastaldy. Kúz jáne qys aılarynda oblystyń 14 óńirindegi 53 eldi mekende 47 sý ótkizý qurylysy qalpyna keltirildi. Jalpy uzyndyǵy 35 shaqyrym sý burý arnalary keńeıtilip tereńdetildi. 22 shaqyrym ózen arnasy tazartyldy, 11 shaqyrym bóget salyndy», - dedi aımaq basshysynyń orynbasary.
Aıta ketsek, 29 naýryzdan bastap azamattyq qorǵaý qyzmetiniń oblystyq ishki júıesi joǵary daıyndyq rejımine kóshirildi.
Táýlik boıy sý tasqyny qaýpi bar ózenderdegi gıdrotehnıkalyq qurylystarda 92 baqylaý beketi jumys isteıdi.
Yqtımal sý tasqyny kezinde kómek kórsetý úshin Arshaly jáne Tselınograd aýdandaryna qutqarýshylar jiberildi.
Qazirgi kezde sý tasqynynyń qaýpi joǵary deńgeıge jetip otyr. Óńirde sý basýy múmkin eldi mekender bar.
