Aqmola, Qostanaı oblystaryna qosymsha qutqarý jasaqtary jetti
ASTANA. QazAqparat - Kóktem ýaqytynda tótenshe jaǵdaılardyń zardabyn azaıtý jáne qutqarýshy kúshti nyǵaıtý maqsatynda Aqmola jáne Qostanaı oblystaryna ózge óńirlerden qosymsha kúshter men tehnıkalar jetkizildi.
Bul týraly búgin QR ІІM Tótenshe jaǵdaılar komıtetiniń resmı ókili Rýslan Imanqulov málim etti, dep habarlaıdy QazAqparat.
Aqmola oblysyna Respýblıkalyq jedel-qutqarý bólimi, Ortalyq jáne Ońtústik óńirlik aeromobıldik jedel-qutqarý jasaqtarynyń kúshteri men quraldary jetkizildi.
Qostanaı oblysyna Jambyl oblysynyń Tótenshe jaǵdaılar departamentiniń jedel-qutqarý qyzmetkerleri men qural-jabdyqtary ákelingen.
Jalpy kóktemgi tasqyn sýlardyń zardabyn joıý úshin qaýipti aýmaqtarǵa Tótenshe jaǵdaılar komıtetinen, jergilikti atqarýshy organdarynan, jergilikti polıtsııa qyzmetkerlerinen, Ulttyq Ulan, Qorǵanys mınıstrliginen 2710 adam, 722 birlik tehnıka, 46 sý sorǵysh pen 32 qaıyq jumyldyryldy.
