Aqmola kolonııasynda sottalǵandarǵa kúsh qoldaný: prokýratýra is qozǵady

KÓKShETAÝ. QazAqparat – Aqmola oblysynda sottalǵandarǵa qatysty kúsh qoldaný deregi boıynsha prokýratýra sotqa deıingi tergeýdi bastady, dep habarlaıdy QazAqparat tilshisi oblystyq prokýratýranyń baspasóz qyzmetine silteme jasap.

Vedomstvonyń málimetinshe, 2023 jylǵy 3 qyrkúıekte áleýmettik jelilerde Atbasar aýdanyndaǵy №1 túzeý mekemesi qyzmetkerleriniń sottalǵandarǵa qatysty kúsh qoldanǵany týraly beınerolıkter jarııalanǵan.

«Osy derek boıynsha Aqmola oblysynyń prokýratýrasy Qylmystyq kodekstiń 146-babynyń 3-bóligi 1-tarmaǵy boıynsha sotqa deıingi tergep-tekserýdi bastady (qatygez, adamgershilikke jatpaıtyn nemese qadir-qasıetin qorlaıtyn qarym-qatynas, azaptaýlar). Osy kúni prokýratýra ókilderi birinshi kezektegi jedel-izdestirý is-sharalaryn júzege asyrýmen atalǵan mekemege bardy. Tıisti saraptamalar taǵaıyndaldy», - dedi vedomstvodan.

Prokýratýranyń baspasóz qyzmetinen atap ótkendeı, tergeý qorytyndysy qosymsha habarlanatyn bolady.

Aıta ketsek, budan buryn turǵyndardy jelide balaǵattaǵan Şýche ákimi qatań sógis alǵanyn jazǵan edik.