Aqmola kásipkerleri Nıderlandymen baılanysty nyǵaıtpaq
KÓKShETAÝ. QazAqparat-Aqmola oblysynyń ákimi Málik Myrzalın Qazaqstan Respýblıkasyndaǵy Nıderlandy Koroldiginiń Elshisi Dırk ıAn Koppen kezdesti, dep habarlaıdy QazAqparat tilshisi əkimdiktiń baspasóz qyzmetine silteme jasap.
Kezdesý barysynda eki el arasyndaǵy agroónerkásiptik sektor men saýda-ekonomıkalyq múmkindikter keńinen qaraldy. Oblys ákimi Málik Myrzalın Aqmola óńirinde agrarlyq, ónerkásip jáne týrızm salalary joǵary qarqynmen damyp kele jatqanyn atap ótti. Aqmola oblysy men Nıderlandy arasynda 2017 jyldyń qorytyndysy boıynsha saýda aınalymy 3,2 mıllıon AQSh dollaryn qurady. Qazirgi ýaqytta bizdiń oblys boıynsha 7 kásiporyn nıderlandyqtarmen tyǵyz qarym- qatynasta jumys isteıdi.
«Import negizinen iri qara, qus eti, kartop tuqymy, mal azyǵy, mehanıkalyq quraldar, aýyl sharýashylyǵy tehnıkalary. Buǵan qosa, oblystyń eksporttyq əleýeti de joǵary. Shıkizattan bólek, qaıta óńdeýshi kəsiporyndardyń ónimderin eksporttaýǵa biz daıynbyz», - dep atap ótti Məlik Myrzalın.
Óz kezeginde Dırk ıAn Kop myrza birlesken kəsiporyn qyzmeti boıynsha ekijaqty áriptestik qatynasty damytýǵa ázir ekendigin jetkizdi.
«Qazirgi tańda ekijaqty qatynas burynǵydan jaqsy damýda. Biz munaıgaz salasyndaǵy iskerlik baılanysty qoldaımyz. Sońǵy kezderi, aýyl sharýashylyǵy salasynda baılanys durys jolǵa qoıyldy. Aqtóbe, Almaty jəne Shymkent qalalarynda golland tehnologııasyn ıgerý boıynsha təjirıbemiz bar. Onyń ishinde Aqmola oblysynda golland tehnologııasyn qoldanyp júrgen eki kəsiporyn jumys isteıdi», - dedi Dırk ıAn Kop.
Kezdesýde ekijaqty baılanysty odan ári nyǵaıtý joldary talqylandy. Taraptar dostyq qatynasty nyǵaıtý jəne təjirıbe almasý úshin bıznesmenderden quralǵan delegatsııany qabyldaýǵa daıyn ekenin jetkizdi.
Osy rette, Məlik Myrzalın ınvestıtsııa tartý jəne jańa tehnologııalardy qoldanýda aýyl sharýashylyǵy men ónerkəsip salasynda ǵana emes, týrıstik baǵytta da oblystyń qyzyǵýshylyǵy zor ekenin atap ótti.
