Aqmola dıqandary kúzgi egin oraǵyn aıaqtady
KÓKShETAÝ. QazAqparat-Aqmola oblysynda kúzgi egin oraǵy naýqany aıaqtaldy, dep habarlaıdy QazAqparat tilshisi.
Oblystyq aýyl sharýashylyǵy basqarmasynan málim etkendeı, jaýapty naýqandy Eńbekshilder, Jarqaıyń jáne Aqkól aýdandarynyń dıqandary qarqyndy ótkizdi.
«Oblys boıynsha 4,3 mıllıon gektar alqaptan 5,1 mıllıon tonnadan astam astyq jınap alyndy. Oblys boıynsha gektar berekesi ortasha 11,8 tsentnerden aınaldy. Al Sandyqtaý aýdanynda bul kórsetkish 17 tsentnerge jetti. Sonymen qatar, keler jylǵa qajetti 522,8 myń tonna tuqym qory jasaldy.
Naýqandy ýaqytyly ári jaqsy kórsetkishpen aıaqtaýǵa Sandyqtaý aýdanynyń «Svobodnyı» seriktestigi, Esil aýdanynyń «Zarechnyı» seriktestigi, Jaqsy aýdanynyń «Trýd» seriktestigi, Arshaly aýdanynyń «Ijevskıı» óndiristik kooperatıvi, Astrahan aýdanynyń «Fermer-2002» seriktestigi syndy sharýashylyqtar óz úlesterin qosty», - delingen taratylǵan habarlamada.
